Pa Kham Cin Hang (phamsa) leh Nu Mang Khan Vung @ Nu Mang (Siemgan), te i tapa 3 na Bogyi ( Captain ) ei Zokam ham te lak ah galkap bo bawk 3 khat ih nei sunsun, Captain Francis Khup Suon Pau @ Than Htun, kum (45) in tuzan 25.09.2009 Friday zan 10:20 p.m in gilpi nat na tawh Kalaymyo, R.T.C a inn vuah ei nuasia ta a, September 27, 2009 Sunday 3:00 p.m hun in Catholic ngai na ma bangin Kalaymyo St. Mary Catholic pawlpi han ah kivui ding hi cih thu kang zasah vuh hi.
Bo Khup Suon pen Kalaymyo Kha-lah-zah 228 pan in a sep laitah in, kum pi in kum 40 a cing sa galkap Officer zo sie te a bei sa kum 2 pawl a, civil lam ah ki piengsah in, tua tah cieng bo Khup Suon zong pen Nyipidaw ah E.P.C lam ah na sep ki pie in, Nyipi daw ah kum 2 bang a sep zaw ciengin a gilpi nak nat lua in, a na sep na pan ang tawp ta a, a bei sa ni 10 16.09.2009 ni in Nyipidaw kawlgam khuopi tha pan in, Kalaymyo a inn vuah a zi leh a ta te tawh ang tung vua, ang tun vua kipan an ne zo lo tuidawn zo lo in om a, tu zan a ei nua sie doh ci thu kang thei sah sawn vuh hi.
Rom 12: 15 … “A da te tawh na da ton vun” a ci ma bangin, bo Khup Suon i a ha a ding hi ta leh a zi leh a ta te ding leh a nu leh u nau sanggam khempeuh te tung ah a ki cing Pasien henep na a tun na dingin thunget na ah phawk ciet vai ci’n kang ciel vuh hi.
| < Prev | Next > |
|---|
