PUZO

Pu ZO suan a koimapo i ngaihsutna leh i sunmang te kikumzelvai.Mi hing i hizea in i ngaihsutna,i mu na,leh i deih na ki banglothei a hi zea in thukhat popo ah ki telseam ding thu pi mama in mu ing.I ngaihsut na a kibat lo na munah i theina te kam mal hoi nono tawh i ki kupding in ang ceal nuam ing.I minam a tawi sangding in Pu ZO suan a koima po in tavuan i nei a,i seh ding leh i sawlding koi ma omlo a hi ceang in,i minam khanto na ding in i ngaihsutna ki kumvai ci-in a koimapo ang ceal ing.

Sum pe khat a cinthei nading in pia (sen) 100 ki sam a,pe khat dal/tang 100 a pha ceang in zakhat ang om thei a,zakhat lai dal/tang 100 a pha ceang in tul khat ang peangthei hi.Sum pe khat a pha nading in pia (sen) khat pen thupi mama hi.Tua a hiceang in sum 100,1000 a cinthei na ding in pia (sen) khat na ngawn thupi mama hi.

Tulai tah a US gam makaipi OBAMA tawh themkhat ki et ka pahleih,a ma in gamsung ah makai pi ang hiceang in mi tampi in,a ma ii pian na tang thu,a mi nam pen napi in anglung lutmama a,laibu tawh ki tho in ki na sim mama hi.A pumpi cilehsa en lei mivomte hia melhoi kilkello hi.Tam mi mivom namte pen a melhoina I gending om lo phial hi.A hi vangin a ma ii pilna zea in a minam bup in vang ang nei mama a,US makai pi sem mivom ama a khatna ang hi pai hi.Minam thupi I hitheinading in nampi kisam masalo a,pilna kisam ma sazaw in mu ing tu khang a ding in.Pilna sinna ah lamtampi om a,a hi vang in namleh gam a ding in a thupi pen in U PA DII (LAW) leh GAM THU LAM (political) pilna in namleh gama ding in khua va (light) ang hizaw hi.Nampi namneu hi tA lei a koimapo in iminam ceatpen ki domto nuam a,mi nam neu leh mite ii neu mu namki hi nuamtuan lo a hi zea in I tuntun na mun ah I ki huai ceat a,kidem na khat ta I neiceat uh hi.Mi khat in pilna leh minthan na khat ang nga leh koi gam mi,hei mun a teng,bang mi nam,bang gui nam ci ki kan tel a,tua mabang in migilo khat zong a ma ii gamtatna zea in a nam,a khua leh a tang thu ki kan tel mama ceat hi,tua pen leutungmi hing te ii thukan zea a hihi.Mi khat ii hoina,pilna zea in I minambup in vang ki nei thei a,tua ma bang in mi mal khat ii gitlo na hoilona zea in I minam bup in kimin sea thei hi.

I minam akhantona ding in nangleh kei I thupimazaw a,i kipawlna thupi masalo hi.Gentena in Tang Thang Ho pen I gam ah kumpi lam ah makaipi ang sem leh a ma ii minam ki thu pimu pai ding a,a ten na khua leh State pen kina etmama ding hi.Minam khanto na ding in mi honthupi masa lo a,mi malthupi ma sa zaw a,nang leh kei ii tavuan a hihi.Minamkhan to na ding in zawthaw thu,pan thawthu,han ceam thaw thu himasa lo a mimal in veina,leh it na ki sam ma sa a,pilna in tua te ei hu ding thu a hi ceang in ei khang tha ZO suan momno te in pilna I nei ding napi in thu pi mama hi.

Pilna thu ah themkhat ki kumkia lei pilna sui na ah lam tampi om a,tualam pi lah ah gamleh minam a ding a,a pang pi pen in U PA DII (LAW) leh GAM LAM THU (political) a hihi.Tuaban ah pilna I sin na ah buaih namkhat tawh kalsuan na hi theinai lo a hi ciang in,pilna sui na ah a neu pen in MA (master)ciang hamtang ngalei thulut thei pan a,tua sang a a sang zaw I nga zo leh a hoi pen a hihi.A deudeu in ei ZO suan momno ten inam a ding I khual ceat a,a hi vang in pilna I thu pisim sih vetse hi.Mipil I tawm zea in I kipawlna sung ah ki thutua na (UNITY),ki pum khat na leh khanto na om lo hi.I vehpi a makai nuam ceat,i vehpi a makai ding a ki ngam ceat I hi ceang a khat lehkhat ki hawmthaw na ang om a tua ki hawm thaw na zea in kipan pi na tha ang om lo hi.Ki panpi na ang oplo ceang in khanto a ang omnawn lo a,khanto na ang oplo ceang in I kipawlna in bang ma sepzaw na (effective) ang neilo a,tua zea in mite in iminam ei neumu a bang ma in ei kisimlo a hi ceang in eikisim maw hi.I nam a ding thamlo I gama ding I veiding thupi mama hi.State gam ke neuneu teng ang ki gawm ceang in gamkhat ang peang thei a,gam a ding a makai khat I hi ceang in I state leh I minam a ding a maikai pi I hi zeu a,i muna leh I ngim na I neusah lo ding leh I hun I khang zui a I thasan thei ding in ei Zosuan mono te ang han nuam ing.

Minamleh igam a dinga I pannopleh I kipawlna popo leh I masuam popo ahmi muantham ding in thuman na,ci tah na leh it na I nei dingthupi mama in mu ing.Tulaitah I kipawlna lam ah atamzaw in eimaphat tuam na ding kisuiceat leh It tuam, huam tuam ki nei maw ahi ceang in I minam in khanto naleh vang neilo hi.Iminam hamphat na dinglam pi khat pen sum tawh zua thei a hileh iminam ii hamphat na dingpen sumthawh kizua lelngam a ei ma ii hamphat na ding in ki suang lo tah in ki gamta ngam hi.Tua a hiciang in tuta di tammi MALAYSIA a om kipawlna tuamtuam te ah makai ding ki tu vazawh keei a,pawl khat khat cometee ii khen satnatawh hi ta leh khawl nuamlo in kang bembom hi.Azea pen tua kipawlna sung pan hamphat na leh hun hoi nga leh sumtawh ki zua thei a hi ceang in na sep sang ki metzaw leh ol zaw a hi ceang in kang bembom uh hi.Tam bang makai a om zea in ki pawlna te ah khan tona leh pi cin na om theilo a,i minam a ding in ki sum a,i minam a ding in kihamsea a,i minam a ding in ki vang neu mama hi.A tung a cisa mabang in mi khat zea in mi nam bup in vang ki nei thei a,mi khat zea in supna leh minseat na ki nei thei hi.Pu ZO suan momno teng aw I minam a ding in pilna leh khanto na thusim vai,thu theina leh thungaih sut seam na sui vai,i minam beh hi lo leitung bup a ding in mimuan huaileh leitung bup a, makai pi I hina ding in ngimna golpi tawh I khang lamto vai.Kawl te pauna khat ma bang in a peang thei lo om lo a,a piang nai lo beh a om hi a cima bang in mailam hun ah eizong hanceasm lei a peang theilo bang ma omlo hi.

Tua a hi ceang in iminam a ding in Pu ZO suan nanglehkei in imimal in hanceam ceatvai ci in ang ceal nuam ing.

Pu ZO suan nalaizom uh;

ANDREW GO LIAN KAP (Tonzang)
Tulaitah: MALAYSIA