PUZO

NGO kici inh: None Government Organization ( NGO ) kici pen itheisa ma bangun, bieknaa (denomination) le kumpi lamte ii kipawl na ahilo kipawlna zosie pen None Government Organization ( NGO ) kici hituoh hi. NGO koi te’n phut: NGO kipawl na cipen, mihau khat / biekna kipawl na/ akipawlton aa nasem nuom cite social developing aading in phut hi.Cinop na ah, kumpi lam te mama inh direct in aphu  hilo hi.

NGO inh bang te sem:
Atung aa igen sa ma bangin NGO inh, leitung aa om zosie khanto thei nading (social developing sector) lam zosie ah ahi thei za in sem hi. NGO nasep zie: NGO nasep zie pen tawntung (permanent ) khollo thei hi. Isep na tungtawn aa, khangtoto, gol semsemthei ahi ma bangin, zong khawl kia eh thei hi.

Gam kumpi te mama kipawl ton ta:
Gam khat, minam khat, mimal khat ikhanto thei nading in, kipawlton aa sepna inh muolsuo zo penpen ahi cithu gamkhangto le mipil te inh mu ahi ziekin, tu ni mama in, leitung gam innkuon te inh, G8, Asean, EU, UNO, cidan tawh atuomtuom kipawl ton na kinei hi. Pasien min siang aa amin ilaw thanuom zawk phiel uh USA te mama inh, amau ngentang in dingleh midang tungah tung zolo ding cithu mumasa uh ahi ziekin, tuma kum sawm 50 masang lai pek in, Asia, European le middle country ci’n leitung sethum munaa om gamte tawh kipawlton na nanei masa in, leitung bup gal lam panaa a-control thei nading mama un, USA galkap op thei nading gam tuomtuom teng ah, mun naneih masa ngiet uhi.

Kawlgalkap kumpi le NGO:
Kawlgam sungah kumpi lam te inh, amau te ii phu kipawl na simlo, adang kipawl na mawngmawng phalna pelo, encih den uh, suota tah aa septhei nading pelo uh ahi ziekin, tuni’n igam uhpen leitung gam 200 val sungah gamzawngkhaal penpen a2naa ah kitung to taiil iel hi. “ kawlgam sungah apongmaan den pen ahi leh vanman khan ahihi” ci’n Ko Yagana inh interview akibawl na khatah gen ngai hi. Gamkhat sungah NGO te inh ahi zading khat cieng na angsep thei sih naklehtuogam pen deih za in khangto pahpah zolo cithu ahihi.

Zo le NGO:
Leitung gam 200 val sung panh, kawlgam pen azawng penpen a2na in kiciem te aa, kawlgam sung state 8 sungpan Chin sate pen azawngkhaal pen in kiciem te kia aa, Chin state sungaa ateng minam (tribe ) 40 val sung pan, ei Zo tepen, azawng pen le akhangto lopen lamah ki om kha ding hileh kilawm hi. Tua ziekin, ei Zo te dingin kipum khatna le kipawlton aa nasep thei nading akinak sap mama te ihihi. Kipawl na tuomtuom zong inei sam ua, hizong leh deihza in ikhangto thei, ikipum khat thei zo nai mama sih uhi. Tam thu inh, akisam khat om “ something wrong ” ahithu ei phawk sah gige hi. Tuaziekin, Zo inh ahuom NGO kicien kipawl na ineih thei nading ua ihan ciem dingun tu-aa idin mun inh ei phawksah, ei tawsawn iciding uhi.

Lungmen huoi:
Isanggam uh sim, khalkha, falam cite ei Zo te siangin aza2 azathum in tam zaw kha ding uhi. Tua zui in ahau, apil zong tam zaw kha ding uhi. Pasien thulam mama ah zong eisiang in hat zaw khading uhi. Tua bang isanggam te inh, gentena: Khalkha sung enleih, amakai te unh, ami te uh, atuntun na gam uah, biekna lam aa kipanh akipawl na popo uh ii min pen atamzaw “ C ” ci min hlasuo lo in, “ C ”bawng sungah avek un lut ngimngiam sah uhi. Sanggam simte enkia leih, angkhanglo in “zomi” ci ang uang sah mama uhi. Ei siang aa pilzaw, hauzaw, siemzaw, mimal tamzaw le Pasien thei zawte’n tambangin aminam min uh amipi tetawh kalsuon pi uh ahi leh, ei semsem inh, amau te siang aa, aza2 aa ihanciem zawh ding uh hina pi’n,.. Zo ci min azumpi, adeihlo, azang nuom lo, aphiet sawm le, “ Zo”  ci min zangh nuomlo banah “ Zo ” ci min azangh te simmaw, nuisan nuom kawm in, M,B, A cipotawh kipawl na phut in, Zo te athethang zawlai nam ( Zo ) vey kineih makai aa kitakla i-op lai khak dinguh dahuoi ding hi. Ikipawl na min zosie uah “Zo” ci min ma izah ding upen ikipum khat thei nading ua, ilungsim eigawm ding tawtang khat ahi gige lam ahun lapaa phawk dingin kisam dinghi.Ada huoi zawkan lai pen ahi leh, “mimal tawmluo” citawh puo/ makaih/ kipawltonna inei sawm lo uh ahihi.

Envawih! Tu lien dantawh igam kum 50 atai suoh lai dingin tuot leih,Zote inh igam le inam amanthan law thei ding ihi lam tahuh imutheiding uhi.Tam cileih, “deksuoi” aci pawlkhat ki om meimo kha ding hi. Tua te ma tu mama inzong manthan na lampi tung azawtzawt te ihi kha lai thei ding uhi. Kawlgam sung ikhuo aa pawi kibawl na CD khat ka et cieng in, Naupang le Pivuoi, Puvuoi pen 75% pha in kaciem te hi.

Tu-aakhangdawng gam 2,3 na tungteng pen atum suohsuoh ding ihi khamai thei lai uhi.  Ok. Pivuoi, Puvuoi teng inh tuzaw kum20 masang in ei nuosie sieng ngeyngey ding uh, naupang teng angkhang kia dingin ei teng nuo gimnamma ang za kia in gam dangah ang pusuoh kia ding uh, tua leh gamsung ah, koiteng om lai ding? ngaisun tahtah leih  Lungmen, patauh huoi tama ma hi. Tua leh tamthu idal zo nading un koi teng tungah mawpuoh na om? anei lamah idawng kia ding uhi.

Isep dinguh bangteng:
Khatna-ah: Topa Zeisu inh “ ka tuu te nacing inh, an navaa inh, nakem inh ” cia avaihlah dung zui aa, Pasien tucing ding aa, Pasien mai le thuzui mite mai aa kiciem na alak dung zui aa, hamsat genthei na tampi tah phukawm aa, citak natawh tuu te, pawlpi tele inam, igam nuosie lo aa,  Pasien nasem gam sungaa omteng gam pulam aa om ei tenginh hlasiel aa huna inei zo den ding uh pen, Zo minam te thupha nga nading kot le inam le igam ikep cing zo nading uh tawtang khat hi thei ding hi.

Nina-ah:
Gam sung aa om tuoilai khangno, khangtha ( new generation ) Zo tate inh, pilna siem na mite za aa ang neih thei nading ua ei gam pulam aa om tenginh ihanciem ding uh, Thumna-ah: Social developing lam tawh kisai, ninaa aa kihal lo sep ding te isep ton ding uh ci thuthum sepding mawpuoh na inei uhi.

Tam sepding teng koiteng inh mawpuoh naa neih? cithu ah, gam sungaa tengle gam pulam aa om zosie tung ah tam mawpuoh na kinga hi. “Khut pheng khatlam beh bengleih ging thei lo hi”.  Tua ziekin, khutpheng nigawm aa ibek thei dingu uun…..

Gam sungaa tei’n isep masah dinguh thulienpi 2 omaa, khatna-ah:
Zo buppi ahuom dingaa Zo RC, Zo BA, Zo AG le Zo Synod Zo EBC, Zo Sanggam pawlpi, Zo SDA cite pan tangmi (representative ) bangza ci tawh sabuoi khat aa ito ton masah ding uh , Nina-ah: Sabuoi aa  toton ei tengin, ikipawl nading min le thuguihlun te siemaa, sepding bangteng omaa, bang panh kipan ding cite geelton aa,gam pulam aa om Zo kipawl na zosie tawh ikizop ding uh, cile gam pulam aa eiteng inh, gamsung lam aa ikipawl na makai tetawh kizom den aa, imipi tawh izop den ding uh ci’n i2un mawpuoh na inei uhi.

Pasie’n eipieh thupha Bishop:
Tu nidong inam le igam khanto nading ua, deihza aa izah thei nailo, ahisileh, deihza aa ei seppieh thei nailo Pasien in eipieh thupha gol ahi Bishop kawlgam lamah khat, India lamah khat inei uhi kaci nuom hi.  Ei tengin septon na inei ma tungtawn uah. Bishop te inh ei zoppieh thei panhding hi. Adeuhdeuh in, biekna lam INGO tawh ikizop na uah, ei pawlpawl mi atul aa sim inh, signature campaign bawl keey aa inget siang un, Bishop khatinh ei phuk pia ding pen athu lut zawding cithu hi aa, tu nidong imi te’n deihza aa, ineih thupha uh azangh thei nailo ihi uhi cileih kikhiel lo dingin ka-um hi.

Zote cillo, zawnglo, gam le nam mangngil lo: Gam pulam aa om imi te azawngkhaal luo, acil kagep luo le inam le igam akimangngil tazenzon ahilo lampen, eima son ciet no aa, ihi zawh na zaza ciettawh gamsung
lam dingaa isep litleet naa te uah kimuthei hi. Tam luitui tameng noteng gawmaa luitui golpi khat isuo zaw nading ua, gam sung aa om biekna lamaa makai tenginh atung aa igen dan ua, ahuom kipawlton na sabuoi khat isiem mengmeng ding un iki thei sah kiakia uhi.

Thukhupna: Atung aa igen teng amaan penpen hi cina hilo in, ahoi zaw ding ngaisun kawm cietaa, “ nang tuocimu vecinh, ke’nh hici mu vengaw, awle kei kakhiel kha dieai? / Nang nakhiel dieai?” ci optimism tahtawh ikikup toto ding uhle isep zo donguh ihanciem dingun itna, veyna le lai natna takpi tawh iki ciel uhi.

Pasien in asiemsa Zo tate kipawlton natawh, ama Manggam, ileitung gam le inam akemcing zo dingin thupha ei peta heh. Amen